大家好

61-2-1

DAY1

大家好,我係阿榮。
我知道係香港既大家而家放緊中秋節三連休,你以爲我會羨慕咩?因為我今日開始都有三連休!!!而我將會一人旅遊九州!!!!真係既緊張又興奮!!

大家可能一提起九州就淨係諗到福岡,但我今次去既係福岡隔離既佐賀⋯⋯⋯⋯再入面既武雄市!!!!!!!!!

講到佐賀咩野食最出名?緊係佐賀牛啦!!!!!!!
我係網上面搵到間有30年歷史,又近車站好易去既佐賀牛燒肉,我就預約左佢地個晏就燒肉!!!
一去到,間店得一個婆婆同一個我諗得12、3歲既男孩子看鋪,佢地勁好笑容,講日文勁慢驚我聽唔明咁哈哈,鋪頭好家庭裝修,好似去左人地屋企咁,婆婆仲拎埋搖控俾我,叫我隨便轉台,好nice呀痴線!!!

我食揀左カルビ黎食,即係肋骨附近既肉(好似係)
我的天!!!!!!!!!!!!
唔好睇相以為佢好似冇咩雪花,唔會入口即溶咁
但我。錯。了!!!!!!!
一放入口。一咬。
好多油脂呀!!!!!!!
肋骨既肉咬落去又有啲彈性,同埋啲脂肪夾埋一齊個陣食感,個種係口內爆發既美味⋯⋯⋯
你知我平時食開便利店架啦⋯⋯你叫我以後點再食便利店既牛呀,喊出黎!!!!!

之後我同婆婆傾左陣計,原來佢成70歲架喇!!!

晏就就個孫仔出黎幫手,夜晚就同個女兩個人夾手搞掂,尋晚先做完一班成十年冇見既舊熟客仔,不過年紀都大喇,幾忙都好,唔休息下30分鐘根本就頂唔順⋯⋯而且間鋪之後都未必會有人接手,所以可以捱到多幾多年佢都唔知⋯⋯⋯
聽到呢步,我個心酸左一下,除左叫佢加油同小心身體之外我都唔知講咩好⋯⋯⋯
呢位婆婆用佢三十年既青春去打理一間燒肉店,儲埋一班好似朋友咁既熟客仔,即使班客出左去外省度住都好,番到黎都不忘呢間當年成日去既,好似屋企咁既燒肉店同老友聚一聚。。
呢種鄉村溫情好窩心。而係城市度好難搵到。
最後我同佢講左句:「我會再來武雄玩的!」

最後給大家一張佐賀牛同間鋪既相。

#findkyushu#九州#武雄#佐賀牛

61-1-1

DAY2

大家好,我係阿榮。
我諗我鐘意左武雄。

我要誠意大推介佢地個武雄圖書館!!!!!!
因為我真係驚訝了。
點解一個圖書館可以靚到咁!!!!!!!!!!you just tell me why!!!!!!!!!
一入去,抬頭我已經被佢個個好大既圓形天窗嚇親,望番地面前面係書店同賣精品,行入少少同第二層就開始係圖書館,第二層仲要係開放式既可以望番落去一樓!!!!!
租CD同DVD呢例牌野啦,而側邊落地玻璃就係Starbucks ,仲放左好多書俾人邊睇邊飲咖啡~~
一句講哂:這就是生活品味!!!

間圖書館既開揚感、空間感、設計,簡單得黎而充滿時尚感,唔可以唔誠心佩服一下日本人空內計設既功力!!真係一個訓練自己成為文青既好去處!!!!
如果香港有咁靚到咁既圖書館同自修室,我諗我應該會日日流連在那~

我把口真係形容唔哂佢有幾靚,所以我post多左幾張相你地自己慢慢感受啦!!!!
Btw日本書既cover真係好靚好有design感,淨係睇個封面我都已經想買成間圖書館!!!

黎緊要離開武雄坐兩個鐘出發去唐津市喇!!!!!!

#findkyushu #九州 #武雄 #武雄圖書館

61-2-1
61-2-4
61-2-3

61-2-5

61-2-2
61-2-6

DAY3

大家好,我係阿榮。
今次九州佐賀之旅既下半場我去左唐津市!(距離武雄兩個令鐘電車)

可惜天公不造美,台風來襲,落雨落到七彩咁!!但亦因為咁,造就左我係可以盡情享受溫泉旅館既美好時光!
唔好講笑,今次呢間旅館係我住過咁多間裏面最舒服同埋靚既!!!!!!
先唔好講佢地有露天溫泉啦,
間房堅大堅古式古香,原來我間房係已經有110年歷史,所以入面放左好多舊擺設!!(連打去front 個電話都係舊式個隻!)
間房本身我都已經好鐘意架喇,但最令我心動不已,心如鹿撞,如痴如醉既係佢個和食晚餐堅好食!!!!!
唔知係咪我既問題啦,我之前去過既旅館靚係幾靚,但一去和食個part,好多時都味道不及賣相,所以對於本身對旅館和食冇咩期待既我,呢個旅館既野食係令我喜出望外既!!!!!死啦,第時我對旅館和食既要求又高左了!!

咁岩serve 我個個係旅館既女主人,佢超級和善,個笑容好似媽媽咁架,於是乎我又同佢吹左好耐水哈哈,原來佢管理左呢間旅館42年喇!佢話辛苦係辛苦,但係當大家都讚食野好多,笑到四萬咁口個陣,佢就會好滿足!!
呢間旅館點解會咁吸引,我諗呢位女主人個份真誠既心係其中一個好大既原因。
住完今次之後,我好想下次帶埋屋企人一齊黎住下~

間旅館有幾正,野有幾好食?
廢時俾人話我得個講字,去相啦!

#findkyushu #九州 #唐津 #綿屋

61-3-3
61-3-4
61-3-6
61-3-2
61-3-1
61-3-5
61-3-9
61-3-10
61-3-7 61-3-8
61-2-1