CATEGORY 香港

61-2-1香港

大家好

DAY1 大家好,我係阿榮。 我知道係香港既大家而家放緊中秋節三連休,你以爲我會羨慕咩?因為我今日開始都有三連休!!!而我將會一人旅遊九州!!!!真係既緊張又興奮!! 大家可能一提起九州就淨係諗到福岡,但我今次去既係福岡隔離既佐賀⋯⋯⋯⋯再入面既武雄市!!!!!!!!! 講到佐賀咩野食最出名?緊係佐賀牛啦!!!!!!! 我係網上面搵到間有30年歷史,又近車站好易去既佐賀牛燒肉,我就預約左佢地個晏就燒肉!!! 一去到,間店得一個婆婆同一個我諗得12、3歲既男孩子看鋪,佢地勁好笑容,講日文勁慢驚我聽唔明咁哈哈,鋪頭好家庭裝修,好似去左人地屋企咁,婆婆仲拎埋搖控俾我,叫我隨便轉台,好nice呀痴線!!! 我食揀左カルビ黎食,即係肋骨附近既肉(好似係) 我的天!!!!!!!!!!!! 唔好睇相以為佢好似冇咩雪花,唔會入口即溶咁 但我。錯。了!!!!!!! 一放入口。一咬。 好多油脂呀!!!!!!! 肋骨既肉咬落去又有啲彈性,同埋啲脂肪夾埋一齊個陣食感,個種係口內爆發既美味⋯⋯⋯ 你知我平時食開便利店架啦⋯⋯你叫我以後點再食便利店既牛呀,喊出黎!!!!! 之後我同婆婆傾左陣計,原來佢成70歲架喇!!! 晏就就個孫仔出黎幫手,夜晚就同個女兩個人夾手搞掂,尋晚先做完一班成十年冇見既舊熟客仔,不過年紀都大喇,幾忙都好,唔休息下30分鐘根本就頂唔順⋯⋯而且間鋪之後都未必會有人接手,所以可以捱到多幾多年佢都唔知⋯⋯⋯ 聽到呢步,我個心酸左一下,除左叫佢加油同小心身體之外我都唔知講咩好⋯⋯⋯ 呢位婆婆用佢三十年既青春去打理一間燒肉店,儲埋一班好似朋友咁既熟客仔,即使班客出左去外省度住都好,番到黎都不忘呢間當年成日去既,好似屋企咁既燒肉店同老友聚一聚。。 呢種鄉村溫情好窩心。而係城市度好難搵到。 最後我同佢講左句:「我會再來武雄玩的!」 最後給大家一張佐賀牛同間鋪既相。 #findkyushu#九州#武雄#佐賀牛 DAY2 大家好,我係阿榮。 我諗我鐘意左武雄。 我要誠意大推介佢地個武雄圖書館!!!!!! 因為我真係驚訝了。 點解一個圖書館可以靚到咁!!!!!!!!!!you just tell me why!!!!!!!!! 一入去,抬頭我已經被佢個個好大既圓形天窗嚇親,望番地面前面係書店同賣精品,行入少少同第二層就開始係圖書館,第二層仲要係開放式既可以望番落去一樓!!!!! 租CD同DVD呢例牌野啦,而側邊落地玻璃就係Starbucks ,仲放左好多書俾人邊睇邊飲咖啡~~ 一句講哂:這就是生活品味!!! 間圖書館既開揚感、空間感、設計,簡單得黎而充滿時尚感,唔可以唔誠心佩服一下日本人空內計設既功力!!真係一個訓練自己成為文青既好去處!!!! 如果香港有咁靚到咁既圖書館同自修室,我諗我應該會日日流連在那~ 我把口真係形容唔哂佢有幾靚,所以我post多左幾張相你地自己慢慢感受啦!!!! Btw日本書既cover真係好靚好有design感,淨係睇個封面我都已經想買成間圖書館!!! 黎緊要離開武雄坐兩個鐘出發去唐津市喇!!!!!! #findkyushu #九州 #武雄 #武雄圖書館 DAY3 大家好,我係阿榮。 今次九州佐賀之旅既下半場我去左唐津市!(距離武雄兩個令鐘電車) 可惜天公不造美,台風來襲,落雨落到七彩咁!!但亦因為咁,造就左我係可以盡情享受溫泉旅館既美好時光! 唔好講笑,今次呢間旅館係我住過咁多間裏面最舒服同埋靚既!!!!!! 先唔好講佢地有露天溫泉啦, 間房堅大堅古式古香,原來我間房係已經有110年歷史,所以入面放左好多舊擺設!!(連打去front 個電話都係舊式個隻!) 間房本身我都已經好鐘意架喇,但最令我心動不已,心如鹿撞,如痴如醉既係佢個和食晚餐堅好食!!!!!…

58-5-1香港

劉 禮泉

DAY1 歡迎來到大家的目的地#屋久島。屋久島屬於#鹿兒島縣。這裡一直有不少日本人來,因為島上有不少千年歷史以上的縄文杉。而屋久島早在1993年就是#UNESCO世界自然遺產。 究竟大家在這個小島上遇到什麼又會發現什麼? 當然要繼續follow我啦 #findkyushu #findjapan #kyushu #kagoshima #yakushima #beautiful #japan #longweekend #travel #chillax #日本 #屋久島 #鹿兒島 #縄文杉 #神木 #UNESCO #歷史 #自然 #nature #九州 #空港 #到着口 #飛行機 #jal #連休 #週末 #気分転換 在 #屋久島 閒逛時發現獨特的竹葉便當。重重的份量十足,很期待翻開竹葉的一霎那。 Found this bamboo leaves #bento , guess what is inside 😉 #findkyushu #food #noms #findjapan #kyushu #kagoshima #yakushima #beautiful #japan #weekend…

41-3-1香港

So, Hiu Nam Hannah

DAY1 九州週末 期待已久的九州週末終於到了。天未光就出門囗。八點半,平日才剛起床,今日人已在福岡機場。所以話其實我一點也不賴床(去玩嘅時候)。 今次並不是去一般大城市,不是去揾熊本熊(雖然仲係周圍都見到佢),而福岡只作轉機。九州之大,究竟我去邊?這個weekend慢慢話你知。 DAY2 天空上的海豚 第一站,位於熊本縣西南的島嶼-天草。由東京去天草,要先到福岡或熊本,轉乘天草航空。 天草航空應該是全日本最小的航空公司,全公司只有五十多位員工,其中五人為空中服務員,聽說社長也要落手搬行李。只有來回天草和福岡/熊本/大阪的航線,飛機只有兩架,一架是載客的,可載39人,對,仲細過一班房,我稱佢為海豚號;另一架據說是用來運送物資和防災用的直升機。 何以我稱佢為海豚號?皆因它外表就是一條海豚,兩邊螺旋槳式引擎都畫上了眼睛。我們有幸坐上全新投入服務的Mizoka號,取代已退役的舊飛機。(而家多左集熊本熊一齊飛) 機內非常新淨,而最驚喜的是椅背的簡介,航空公司和天草市的資料精美地放入在文具舖買到的文件夾,而最窩心的是內藏的手畫地圖,佢心機,完全feel得到。 話就話35分鐘機程,但感覺不夠20分鐘就已經準備降落。 天草.海.海豚 天草,就是關於海。由幾個島組成的地方,周圍都可見藍藍的海水,這裡住了三百多條海豚,但不能與豚同游,只可遠觀不可褻玩。 幻想中的天草是一個鄉郊漁村,但實際上周圍很新淨,加上是日風和日麗,更有渡假的感覺。我們先到海邊餐廳L’isola Terrace吃個午餐,好嘆!之後走幾步去隔離的Sea Cruise,其中一家出海賞海豚的船公司,15分鐘後的1點船有位,perfectchi,九衝上船去。天草有好幾間公司辦賞豚,通常一日有三個時段,出海時間約兩小時,一般都不用提前預約,有位便可。 尋晚只訓得3小時的我,坐在船頂,烈日當空,在40分鐘的船程邊乾煎邊昏迷 ?,直到朋友叫醒我,我們走到船頭,不足一分鐘就見到第一群海豚,很快又有一群(可能其實係同一群),每隔一兩分鐘又蒲頭,數量之多令我這個海豚控完全難掩內心的興奮大叫出來,還要離我們非常近,而且海水十分清澈,我就好似小朋友開心得指手畫腳,海豚BB真係好得意呀媽咪~ 海豚BB能夠在這個十分美麗又少污染的環境健康成長,多美好,而想到家鄉的白海豚,嗯,有些思考。 天草的童話鎮 教堂在日本不普遍,但在天草要見到十字架卻不難,因為江戶時代長崎港口的對外貿易開放而帶來不少傳教士,天草就是其中一個地方。今日還可見到天主教有關的地標,其中包括崎津天主堂和大江天主堂。 我尤其喜歡崎津天主堂,座立於崎津集落,即是村落的意思,遠望村落感覺像宮崎駿動畫裡的小鎮,靜靜的日本小村落中有一座西式的教堂,在日本其他地方甚少會見到的景像,十分獨特。崎津集落是江戶時期一位由巴黎派來的神父所興建和發展的,至今全日本能保留這種隻落形式的村落少於10個,這些集落正在申請世界文化遺產(UNESCO)中。約7分鐘就到小丘上的大江天主堂,眺望天草的一村落和大海,好治癒。 教堂本身裝潢簡單,其特別之處是滲入了日本文化,大江天主堂內有穿江戶時代衣服的聖人像、入教堂要除鞋而堂內更鋪了tatami、聖母像放在日式庭園、小教堂隔離是神社。這個景象,應該只有在九州。 #findkyushu #九州 #天草 #教堂 #遊記 #日本 DAY3 伊勢海老在我肚 天草.陶瓷.咖啡.人情味 天草出名陶瓷,飛機的雜誌已經有介紹,亦有一本專為天草市的陶瓷店而設的地圖,啱矖我這個陶瓷癡。 臨離開天草最後衝刺,去埋最近巴士部(其實一啲都唔近)的丸尾焼工房,一所很大很有型的陶瓷店,自家燒,款式又多又靚,心心眼。但我想講的並不是陶瓷,而是店內的咖啡店,購買陶瓷後(不論大小,你買或朋友買),都可享受咖啡一杯,而你更可從架上選擇店內有售的咖啡杯飲這杯,用自己揀又靚的陶瓷杯,這杯免費咖啡來得更好飲更窩心。 準備離開時順道問問午飯推介,如何返回巴士站等遊客問題,他們都有心逐一解答,走路又太遠又攞住行李,便決定搭的士,正要轉身走之際,相信是店長的男人竟然提議載我們去午飯地點,正正在巴士站對面,實在太令人感動,慳了一程的士錢不在話下,而是那份人情味太窩心了。 由窩心的咖啡,到純粹想幫你的那份濃濃的人情味,總會在大城市以外的日本地區找到,天草也有 第二站 由天草市坐30分鐘船去長崎縣的口之津港,再由港口乘巴士,在小浜站轉一次車,直駛上山,到達九州週末的第二站,位於高地的温泉區-雲仙。 來回地獄 被濃濃的琉璜味包圍的雲仙,一索便知有好温泉。旅館在雲仙地獄的旁邊,要入地獄非常方便。 煙霧瀰漫,地下不停湧出滾燙的天然地下水,岩石都被高酸度的温泉水白化。雲仙地獄裡再分幾個地獄-大叫喚地獄,泉孔發出噴氣聲如從地獄傳來的慘叫呼喊;邪見地獄,相傳喝下泉水會消去人的嫉妒;雀地獄之名只泉水的噗咯噗咯聲像雀叫而名;八萬地獄是持有八萬四千種煩惱的人做壞事,死後會去的地方;還有其他地獄如清七地獄為江戶時期用作酷型的場所,當真是一個與地獄很接近的地方。本來只是一個自然景觀,但加入了聯想、七情六慾、故事,整個地方變得肅然。 來回地獄,吃埋隻温泉蛋,又折返人間,浸温泉。順帶一提,雲仙的温泉水是奶白色的,高質,浸畢皮膚當真是雞蛋剝咗衣咁滑,唔係講笑。 #findkyushu #雲仙 #雲仙地獄 #温泉 #九州 #煙 #全部都係煙

40-32-1香港

鄭 詠茵

DAY1 第一次嚟福岡完全係為咗坐上依架2016年二月登場的天草航空的海豚飛機!!(飛機肚底仲印有くまもん熊本熊?? 抬頭望上天可以見住熊本熊飛?) 據說天草航空係全日本最細型的航空公司 因為只有一架小型飛機由飛往熊本的天草空港 #findkyushu #天草エアライン #イルカ飛行機 #福岡から天草 #くまモン付き 天草是一個絕對要自駕遊的地方 沿著海岸線的車路途經大大小小二十多個島嶼 是有名的日本三大松島之一! DAY2 天草地區出名的仲有五條不同個性的橋 自駕遊的話可以完全panorama view 的駕駛體驗 完全無諗過天草可以咁潮? 位於上天草市松本町的レゾラテラス天草 Lisola Terrance開業一年 係一個新型態的綜合旅遊點 有精美的手信店(仲有一間塩パンbakery) 有一家面對前島橋panorama海景的絕景cafe? 氣氛完全好似係resort一樣? 旁邊係一個小碼頭 有海豚watching tour /天草五橋海上遊等等的活動 #findkyushu #レゾラテラス天草 #天草女子旅 #おしゃれ 海豚!!?全部都係海豚! 乘坐SEA CRUISE的遊艇 約五十分鐘到達野生海豚出沒的水域 突然一大群的跳出嚟同我地say hello✋? 第一次親眼近距離見海上的海豚 水清澈透明到望到佢地由水底 一直係遊艇附近迎接我地 好感動 #findkyushu #シークルーズ天草 #イルカウォッチング #野生イルカ 天草到處都會見到依位人兄 人人都叫佢做神童的天草男神天草四郎先生 江戶時代接受天主教思想 係豐永14年率領三萬島源同天草的基督徒起義 佔領島源南部的原城 豎立起十字架 是為島源之亂…

s_39-1-4香港

方 詠心

DAY 【九州Day1-1】 出發前,聽日本同事講九州乜都好,溫泉?有!靚景?有!美食?周圍都係,而且平靚正! 所以呢,我一落機立即去食碗地道九州拉麵,就在鹿兒島中央駅附近一個叫「かごしま屋台村」(鹿兒島屋台村)的地方,由20多間小店組成,其中一間叫「愛加那」的口碑特別好, 在Tabelog有高達3.5以上評分。 店真的很小,U字型可坐大概9個人,店員會跟你吹吹水,又一邊煮料理,氣氛好,非常地道。 我點了骨膠原鹽味拉麵(700日圓連稅),骨膠原其實指那一大舊豬軟骨,又酥又軟又夠膠,雖然雞蛋不怎麼樣,但加了炸蒜片和蔥花,挺惹味,卻不肥膩,Oishii! 日間客人較少,相對容易搵位,據聞晚上熱鬧得多,大家去鹿兒島時一定要去感受一下氣氛啊! 「かごしま屋台村」 http://www.kagoshima-gourmet.jp (鹿兒島中央駅徒步5分鐘) 【九州Day1-2 :吾愛人】 第一晚在鹿兒島搵食,試咗老舖「吾愛人」。(唔好笑人地個名啦好衰架 其實日名叫わかなwakana) 「吾愛人」在鹿兒島中央駅東口與西口各一間,但食評網上西口那間較高分。 呢度必食嘅係極上黑毛豬Shabu Shabu,但我比較貪心,叫咗個「吾愛人膳」九大筤:小鉢、刺身、醋物、串燒、關東煮(おでん)、六白黑豚一人涮涮鍋、壽司、味噌湯和飯後果蜜瓜,咁大堆頭只係3500日圓(未連稅)!你睇相就知道分量一啲都唔少!味道亦非常之唔錯,尤其是刺身、老伯伯鎮店的關東煮、黑毛豬Shabu Shabu同埋超甜蜜瓜! #findkyushu #九州 #鹿兒島 #食好西 #九州自由行 #黑毛豬 #Shabu Shabu #吾愛人 DAY2 【九州Day2-1 :櫻島】 颱風來勢凶凶襲九州,開頭以為無緣親近櫻島(さくらじま),點知今朝一訓醒,竟然冇落雨!立即衝去櫻島! 一落船可以去「觀光案內所」拎份地圖睇睇,有中有英。雖然島上提供觀光巴士,但我十級推介大家去行吓散吓步!成個櫻島佈滿了大大小小嘅黑蚊蚊岩石,呢個風景係我重未見過,好新鮮好特別,望出去就係錦江灣同埋對岸鹿兒島市嘅景色,成件事好靜好平和,島上人口只有6000人,遊客亦唔多,可以慢慢享受美景,推介! #findkyushu #九州 #鹿兒島 #九州自由行 #櫻島 DAY3 <九州Day3-1: 宮崎復活島> 經過尋晚最強颱風16號連夜對我嘅摧殘,能量值一度跌至紅色,不過今日天氣好到爆,一黎到宮崎復活島,成個人立即復活!黎返個招牌動作先! 【九州Day3-2:青島】 離開復活島,回程巴士於青島站落車,親親這可愛的小島。 坐在海皮上,歎返個新鮮即製牛油果芝士漢堡+Homemade Lemonade,曬曬太陽望望海, 吹吹風聊聊天,食飽飽再行去青島神社散散步,爽丫丫! #findkyushu #九州 #宮崎 #青島 #青島神社 #食好西 【九州Day3-3:人氣炸豬@宮崎】 同大家介紹返,宮崎駅附近有間叫「とんかつ らくい」專食炸豬扒,門面靚,裝修好,入店要除鞋,和式座位但有內籠可以伸腳,坐得舒服。…