DAY
【九州Day1-1】
出發前，聽日本同事講九州乜都好，溫泉？有！靚景？有！美食？周圍都係，而且平靚正！
所以呢，我一落機立即去食碗地道九州拉麵，就在鹿兒島中央駅附近一個叫「かごしま屋台村」（鹿兒島屋台村）的地方，由20多間小店組成，其中一間叫「愛加那」的口碑特別好，
在Tabelog有高達3.5以上評分。
店真的很小，U字型可坐大概9個人，店員會跟你吹吹水，又一邊煮料理，氣氛好，非常地道。
我點了骨膠原鹽味拉麵（700日圓連稅），骨膠原其實指那一大舊豬軟骨，又酥又軟又夠膠，雖然雞蛋不怎麼樣，但加了炸蒜片和蔥花，挺惹味，卻不肥膩，Oishii!
日間客人較少，相對容易搵位，據聞晚上熱鬧得多，大家去鹿兒島時一定要去感受一下氣氛啊！
「かごしま屋台村」
http://www.kagoshima-gourmet.jp
（鹿兒島中央駅徒步5分鐘）
【九州Day1-2 ：吾愛人】
第一晚在鹿兒島搵食，試咗老舖「吾愛人」。（唔好笑人地個名啦好衰架 其實日名叫わかなwakana）
「吾愛人」在鹿兒島中央駅東口與西口各一間，但食評網上西口那間較高分。
呢度必食嘅係極上黑毛豬Shabu Shabu，但我比較貪心，叫咗個「吾愛人膳」九大筤：小鉢、刺身、醋物、串燒、關東煮（おでん）、六白黑豚一人涮涮鍋、壽司、味噌湯和飯後果蜜瓜，咁大堆頭只係3500日圓（未連稅）！你睇相就知道分量一啲都唔少！味道亦非常之唔錯，尤其是刺身、老伯伯鎮店的關東煮、黑毛豬Shabu Shabu同埋超甜蜜瓜！
#findkyushu #九州 #鹿兒島 #食好西 #九州自由行 #黑毛豬 #Shabu Shabu #吾愛人
DAY2
【九州Day2-1 ：櫻島】
颱風來勢凶凶襲九州，開頭以為無緣親近櫻島（さくらじま），點知今朝一訓醒，竟然冇落雨！立即衝去櫻島！
一落船可以去「觀光案內所」拎份地圖睇睇，有中有英。雖然島上提供觀光巴士，但我十級推介大家去行吓散吓步！成個櫻島佈滿了大大小小嘅黑蚊蚊岩石，呢個風景係我重未見過，好新鮮好特別，望出去就係錦江灣同埋對岸鹿兒島市嘅景色，成件事好靜好平和，島上人口只有6000人，遊客亦唔多，可以慢慢享受美景，推介！
#findkyushu #九州 #鹿兒島 #九州自由行 #櫻島
DAY3
<九州Day3-1: 宮崎復活島>
經過尋晚最強颱風16號連夜對我嘅摧殘，能量值一度跌至紅色，不過今日天氣好到爆，一黎到宮崎復活島，成個人立即復活！黎返個招牌動作先！
【九州Day3-2：青島】
離開復活島，回程巴士於青島站落車，親親這可愛的小島。
坐在海皮上，歎返個新鮮即製牛油果芝士漢堡＋Homemade Lemonade，曬曬太陽望望海，
吹吹風聊聊天，食飽飽再行去青島神社散散步，爽丫丫！
#findkyushu #九州 #宮崎 #青島 #青島神社 #食好西
【九州Day3-3：人氣炸豬＠宮崎】
同大家介紹返，宮崎駅附近有間叫「とんかつ らくい」專食炸豬扒，門面靚，裝修好，入店要除鞋，和式座位但有內籠可以伸腳，坐得舒服。
呢度用嘅係宮崎產豬肉、日本國產玄米造的米油、粗麵包糠、用大釜土煲嘅飯，你仲可以揀白飯或者十六穀飯添！
今次我食唔係間間炸豬店都有嘅「極太棒ひれかつ膳」（極粗炸棒型豬肩定食 1980日圓未連稅），將豬扒捲成一條黎炸，入面係粉紅有少少生，所以咬落特別Juicy同埋軟腍，建議配天日鹽或Wasabi，比普通炸豬仲好味！食唔到宮崎牛可以食宮崎豬，唔會令你失望！
#findkyushu #九州 #宮崎 #炸豬
【宮崎酒店推介：Sheraton Grande Ocean Resort】
咁大個女，除咗上次去沖繩Alivila日航酒店個房景超震撼之外，呢間Sheraton Grande Ocean Resort亦有過之而無不及，超級無敵無邊際海景！間房當然夠大，個浴室靚到我想搬返屋企！
#findkyushu #九州 #宮崎 #喜來登度假酒店 #無敵海景 #宮崎酒店
DAY4
【九州Day4-1】
由大分駅去由布院可以搭呢架好卡娃衣、只得一卡嘅小火車，慢慢欣賞沿途風景，大約50分鐘就到由布院㗎喇！
#findkyushu #九州 #大分 #由布院 #小火車
走過長長嘅商店大街，抵擋口味層出不窮嘅軟雪糕芝士蛋糕乜乜物物糕，終於嚟到傳說中嘅金麟湖。雖然遊客好多，只要從入口向右行走到湖嘅3點鐘位置，就可以靜靜地欣賞金麟湖害羞的一面咯!
#findkyushu #九州 #由布院 #金麟湖 #大分
<由布院溫泉旅館推介：由布のお宿 ほたる>
去旅行不用趕景點是一種幸福，能夠住在附私人露天風呂的溫泉旅館又是另一種幸福。起初以為會是個小小的木桶，想不到這麼大，睡前浸浸，睡醒又浸浸，什麼都不用想……
#findkyushu #九州 #由布院 #溫泉旅館 #大分
我喜歡住日式旅館！因為通常都係「一泊二食」，旅館附近乜都冇，Check-in之後，你只需要專注於浸溫泉同埋食！
旅館嘅晚餐非常豐富，今次係「秋之懷石料理」（Light course），連餐前酒和甜品，共12道菜。
每一款都擺得靚靚，而且菜與肉嘅分佈平均，食落好舒服。唔好睇每款分量少少，食完可以好飽，自知眼闊肚窄嘅你揀住宿plan時要留意喇！
#findkyushu #九州 #由布院 #溫泉旅館 #大分 #懷石料理
